izkirimiri
2011/02/26 |
Txaskarrillo astekaria
6 zkia.
GGA (CAP)
ditxosoa
Batzorde Iraunkorran nahiz Parekidean, Zuzendaritzak betidanik onartu ditu etengabeko prestakuntza betetzeko aginduaren baldintzak : lan-ordutegiaren barnean eginbeharra, edo jai egunekin topo egiten zuenean, prestasun egunak kenduaz zenbatzen ziren lanorduak, edo jai egunak borondate onez aldatuaz. Baita ere, bazkari eta joan-etorriren kostuak, kontuan hartzen ziren. GGAren heziketa derrigorrezkoa denez, 200 euroko eskeintza, prestakuntza, borondatez lanordutik kanpo egiteagatik, adarjotze bat dela deritzagu. Berriro ere, martxoaren 1ean PRECON agurtuko gara.
Unitate Berriak
“Guretzat”
dioenez, otsailaren 16an, CAFek,
900 serieko lehenbiziko unitatea hornitu du. Dirudienez, bidaiarien sarrera
hobetzen du, 100km/ orduko abiadura hartu dezake, eta gidariarentzat
erosogoa da… bainan jakin nahiko genukena da, gidatzeko postuetan
kamararik badagoen eta honetaz Guretzaten ez da ezer
agertzen.
Kameren neurri honek segurtasuna ez du bermatzen eta ELAtik gure eskuan
dagoen guztia egingo degu langileak grabatuak eta zelatatuak ez izateko
Jauntxoen modura
Operazioko agente eta Tranbiako agente bezala, prestatzen ari ziren aldibaterako langileak paroan uztea ez zaio nahikoa iruditu enpresari, eta oraingoan, praktiketan dauden bitartean, 3 mailako soldata ordainduko zaie. Guk uste dugun legez kontrakoa den erabaki honi, behar dun bezalako erantzuna emango diogu. Zein izango da hurrengo ideia, kostuak murrizteko? Zikoitz, mixerable !!
Durangoko
tailerra
Durangoko tailerreko langileentzat informazio gutxi,
zalantza asko eta konponbiderik ez. Lebariora egingo den egoitza-aldaketak
dakarzkin zalantzak, subkontratazioa egingo ote diren susmoak, aldebakarreko
eta bidegabeko ordutegiaren aldaketa, aldibaterako kontratuen aldaketa
ulertezinak, subkontratatuen agerpenak tailerrekoak diren lan berezkoak
eginez…Gauz guzti hauen ondorioz,
estanda egiteko arriskuan jartzen du tailerra. Ekintza sindikala
ezinbestekoa da.
Durangoko espezialista
Durangoko espezialista desagertzeak tren gidarietan egin
duen kalteagatik, hurrengo Apirilak 12an, ELAk jarritako demandaren ondoren,
epaiketa egingo da. ELAkoek pentsatzen degu, geltoki honetan orratzak egitea,
ez dela tren gidarien betebeharretan sartzen.
GB (RRHH), Komertziala eta Jaume delakoa
Kazetaritzako zehaztasun gutxikoa iruditu zaigu
komunikabide batek eduki duena Iruzurraren kontrako lana egiten zuen langile
batek bidairari bati isuna jarri ondoren, bidairiaren bertsioa bakarrik
argitaratu duenean. GB, Komertzial Z.eta Jaume delako hori direla medio,
Iruzurraren kontrako langileei,arazoak gehitu egin zaie, inork konponbideak
jarri gabe. Zuzendaritzak, Arrisku psikosozialaren ebaluaketa bazterrean
utzi du berriro. Txosten honek dioenez, langileak laguntzarekin ibili behar
dutela bortizkeriaren arriskua saihezteko eta agindu hori ez da betetzen.
Esan beharra gainera, arazo hau asko handitu egin dala, isunaren zenbatekoa
igo dutenetik.
|