izkirimiri
2011/12/16 |
Txaskarrillo astekaria
44 zkia.
Erdira esandako egiak, gezur galantak
Euskotreneko Zuzendari Orokorrak, enpresaren ekonomia eta giza baliabideen “arduragabeko
kudeaketaren” salaketak ukatzen ditu eta inork ikusten ez duen
aldibaterakotasunaren murrizketaz, egia ez den soldaten mantentzeaz, inork
sinesten ez duen lantaldearen eboluzioaz eta solik berak ulertzen dituen
hitzarmenaren interpretazioaz itzegiten du. Zuzendari orokorrarentzat
soldataren izozketa, itzarrira egiten diren ekarpenen murrizketa, Gabonetako
otarra, aldibaterako kontratuen murrizketa …, krisi garai honetan, kudeaketa
arduratsua baldin bada, harritzekoa da Zuzendari Orokorrarentzat
hitzarmenetik kanpoko (17 orain arte) eta 9.mailako (5 orain arte) lan
postuen handitze masiboa arduragabea ez izatea. Bestalde, Zuzendari
Orokorrak sindikatuek ze geltoki bete gabe dauden esan behar izateak
iraingarria da.
Zer itxaroten ari da?
Komunikabideek diotenez, Enpresako Zuzendari Nagusiak, Komite Iraunkorraren
aldetik proposamen zehatz bat behar du adostasun batera iritsi ahal izateko.
Edo Komitearen oharrak ez ditu irakurri , edo ez ditu ulertu, edo ez diote
esan, edo gaizki esan diote, edo eta besterik gabe ez dago. ELAtik gure
Zuzendariari gomendatzen diogu Komite Iraunkorra dei dezala 63arren bilera
batera badirudielako aurreko ustezko 62 bilerak ez dutelako ezertarako balio
izan.
Beste bat?
Duela aste batzuk zenbait komunikabideetan Enpresa Publiko batentzako Tren
Garraioaren Segurtasunerako Arduradun
lanposturako hautaketa prozesu baten deialdi bat agertu zen.
Euskotrenentzarako lanpostu berri baten aurrean egon gaitezkeen ustean, gaur
egun lanpostu hori existitzen den arren eta pertsona batengatik estalita
egon arren, ELAtik Zuzendaritzari gai honi burzuko argibideak eskatu
dizkiogu gutun baten bidez. Gai hau egiaztatzekotan, esan dezakegun gauza
bakarra Abenduaren 15eko geldialdia egitera bultzatu gaituen arazoietaz ez
dala konturatu.
Urteko koadroak
Joan den astelehenean Giza Baliabideen Zuzendaritzarekin bilera bat eduki
genuen Urteko koadroen egokitzeari buruz hitzegiteko (P.A.S.), bai Bizkaiako
Tren egoitzarena, bai Gasteiz eta Atxuriko Tranbiaren egoitzearena.
Bizkaiako Tren PASari buruz egokitzear daude oraindik zenbait gauza, halaber,
Gernikako eta Durangoko egoitzak. Durangoko egoitzaren kasuan, Enpresak,
33tik 32ra murrizketa eskaintza egin du eta bide batez Tren Agente bat
Merkantzietara aldatzea. Tranbiari dagokionez, ELAk Enpresari Gasteizko lan
txanden ordutegiak berrikustea eskatu dio Bilboko Tranbiaren lan txandak
kontutan hartuz. Enpresari dagokienez, bi egoitzen produktibitatea
berdintzeari buruzko interes bat ageri du. ELAk La Casillako luzapenaz
baliatuz, duela ia 10 urte adosturiko lan baldintzak zapuzteko nahia
leporatu dio enpresari. Eskaintza handitu nahi dute lan talde berdinarekin.
Hain zuzen ere hitzarmenetik kanpo dagoen lan taldearekin gertatzen den
kontrakoa, buruzagi gehiago eta emankortasun gutxiago. Gipuzkoako kasuan
Enpresak ez duela bilera datarik ipini adierazi eta Amarako PASa ez dugula
ezagutzen esan behar dugu. Abenduaren 16ean gaude.
Zezenak adarretik arrapatu ditu berriro ere.
|