izkirimiri
2011/10/07 |
Txaskarrillo astekaria
34 zkia.
Orbegosoren era irauten du
Aurreko astean Tranbia agente bati, lan
poltsan ez egoteagatik epai batek bere izendapenaren baliogabetzearen
berri eman genizuen. Azpimarratu behar da, pertsona honek (ordura arte aldi
baterako langilea zela) lanpostua lortu ondoren, Operazio agenteen lan poltsan,
finkoen artean kokatu zutela. Garbi dago, lanpostu hori baliogabetu badute,
beste poltsan aldi baterakoen artean jarri beharko zutela. Horrela ez da izan,
eta honen ondorioz beste irregulartasun bat egin da. Oraingoan, GGBBko
Planifikazio eta Aholkularitzaren Arduradunaren aitzakia, epaiaren kontra
helegitea aurkeztu daitekeela izan da, eta hau aurrera aterako balitz, pertsona
hau kaltetuta aterako litzatekeelako. Ados egon gintezke, baina zergatik ez
da itxoiten epai finkoa edukitzea postua emateko? Izendapen hau, baliogabetu
egingo al da helegitea aurrera
ateratzen bada? Zenbatengatik aterako zaizkio enpresari mugimendu hauek?
Zenbat gastatuko du enpresak formazioan (Jadanik Tranbia agente bezala bi
formakuntza prozesuak daramatza eta bat, Operazio agentearena)? Zer gertatzen
da Operazio agentearen plaza hartu gabe gelditu den pertsonarekin? Arduradun
honek hartzen dituen neurriak, kezkagarriak dira. Inork , ez al dizkio azalpenik
eskatuko?
Prima bakarra
Ezin ukatu, UGTren komunikatuan azaltzen den adierazpena esanaz, enpresak
ZUParen (Zerbitzuaren Urteko Plangintza ) Prima Bakarrak beheruntz zenbatu
dituela, erabat harritu egin gaituela. Aldea dago guk egin ditugun kontuekin
eta horregatik eskatzen diegu UGTko ordezkariei egin dituzten kontuak azaltzeko,
konparatu eta alden neurrian egiaztatzeko. ( Horren ziur badaude, raru xamar
ez salatzea kasua.). Datuak ez badituzte aurkezten, egon gintezke ugtkada
berri baten aurrean eta hori benetan ez gaitu harritzen.
Amarako Megafonia
Amarako Megafoniako agenteak urduri xamar daude, bere lanpostuaren
lekualdaketa gertu dagoela zurrumurruak aditu ondoren. ELAren ustez, eta horrela
eskatu dugu, enpresarekin bilera bat egin beharko genuke, gutxi gorabehera
lekualdaketaren data jakiteko, garbitasun eta
osasun baldintza hoberenak bermatuko dituen Lanpostuaren lan arrisku
ebaluaketa egiteko eskatzeko, eta bertako lankideen iradokizunak, kexak eta
gabetasunak, kontuan hartzeko. Horrelako bakuna eta gainera, hitz egiten,
askotan lagunak egiten dituzu.
Gipuzkoako autobusak kolokan: UTE ala Elkarte Berri bat
Aldea argi dago. Autobusen lineak UTE baten bitartez kudeatzen badira,
Euskotreneko lankideek, Euskotren enpresaren barne jarraituko dute. Horrela
ez bada, eta Aldundiaren gaurko arduradunek, aurrekoen jarrerarekin bat badira,
Elkarte Berri bat sortzea beharko da eta horren ondorio, subrogazioaren
mehatxua. Batera edo bestera, Aldundiak erantzun behar. Beste aukera izango
litzake, Euskotrenek berak, La Gipuzkoana zeramatzan lineak hartzea, baina
bere momentuan baztertu egin zuten aukera hori. Ea ba, ongi bukatzen den…
|