izkirimiri
2011/07/29 |
Txaskarrillo astekaria
28 zkia.
Euskotren Dor Oporretako hiria
1/2011ko Zirkularrean, pertsonalak diren argudioa erabiliaz, GGBBideen
zuzendariak borondatezko baja aurkeztu du. Aurretik ikusten zenaren ondorioa
da, bertsio ofizialaz mozorrotuta. Zoritzarrez Eusko Tren batzuentzako “dena
barneko” bainuetxe bat bihurtzen ari da, zuzendariak probetxua ateratzen
diotena eta lana beren azkenengo helburua bihurtuz. Horrela ikusten degu
zuzendari ohi hau, gizarte aldearekin gatazkak behin eta berriz bilatu
dituena eta bileretan gutxi ikusi deguna, besten bat horrela ikusten degu
ere. Dirudienez baten-bat hau zuzentzen hasi da. Horrela jarraitu bedi.
Zigorren epaia
Bilboko, gizarte epaitegiko 2garrengo auzi-gelak, baliogabetu eta efekturik
gabe utzi ditu Lezamako istripuaren ondorengo lanuztearen ondorioz, ELA, LAB
eta ESKko ordezkariei, zuzendaritzak inposaturiko zigor diskriminatzaile eta
gehiegizkoak. ELAtik eskerrak eman nahi dizkiegu, azken ia bi urteotan
beraien laguntzaz eta soliraditateaz gure zigortutako ordezkariak bultzatu
dituzten pertsonei. Epai honek, garbi uzten du, zuzendaritzak Lezamako
istripuaren ondoren edukitako jarrera txar eta ezgaia. Garbi uzten du ere,
enpresaren arduradunekin bat ez dijoazten sindikatuen jazarpena eta nola
hauek presiopean eta zuzendaritzaren txantaiaren aurrean tinko jarraitu
dutela. Zoritzarrez hau denok ezin dute esan. Bakoitzak bere ondorioak atera
beharko ditu.
Prentsaurrekoa
Asteazken honetan ELA,LAB eta ESK egindako prentsaurrekoan, ordezkari hauek
jasotako absoluzio-epaia gehiengoari ezagutarazi genion eta honekin batera,
salatu nahi degu Garraio sailaren eta Euskotreneko zuzendaritzaren
arduragabeko, hipokrita, axolagabez betetako eta mendekatzaile izandako
jarrera lotsagarria. Arduragabekoa, istripua giza-akats bateri errua
bota ziotelako, orain ezingo litzateke horrelakorik gertatuko, sindikatuak
10 urtez eskatutako Euroloopa, trenbide guztian jarri dutelako. Hipokrita,
lan geldialdi bat egin zuten langile batzuei zigorrak ezartzen zituzten
bitartean, AHTnaren lanetan egondako lan istripu larrietan inplikatuko
enpresekin harremanak dituztenean. Mendekatzailea, erru guztia langileei
bota zieten, benetako gertaeren arrazoiak ezkutatzeko. Axolagabea, beraien
postuetan jarraitzen dutelako, urteetan zehar Eurolooparen
instalazioari uko egin zioten arduradunak, orain ikusi degun bezala (istripua
3hilabete pasata Lezaman instalatu zuten) barregarriak izan diren argudioak
defendatuz.
Kanpoko deialdiak
Euskadiko auzitegi gorenak arrazoia eman dio Zuzendaritza eta
UGTkoei, ELAk
eta LABek aukeraketa prozesuei jarritako salaketa ez onartzen. Aipagarria
izan da UGTko ordezkariaren (Gaur egun GGBBko administrazio sailaren
kudeatzailea) ezinbesteko laguntza, zuzendaritzaren alde jartzerakoan,
Batzorde iraunkorra alde batetara utziaz, kanpoko
deialdiaren baseak defendatuz. Honen ondorioz EAGak, posizio hau
kontuan hartu du salaketa ez onartzeko. Epai honekin, poltsetako
aldi-baterako langileak, kanpoko deialdietan ezin dira aurkeztu eta euskara
ez da nahitaezkoa izango Euskotrenen lan egiteko. Abokatuak helegitean lan
egiten daude.
|