izkirimiri
izkirimiri
|
2011/05/06 |
Txaskarrillo astekaria
16 zkia.
Gipuzkoako autobusak
ELAk proposatuaz, hurrengo maiatzak 12rako, Batzorde Iraunkorrak deialdia
egin du asanbladak egiteko, Zumaia eta Elgoibarko lanegoitzetan. Guretzatek
emandako berri nahasien aurrean, Batzordearen asmoa da, daukagun informazio
ematea, eta denon artean, errepide lineen emakidaren egoera aztertzea.
Bestetik, bilera bat eskatu diogu Zuzendari Nagusiari, aurrez aurre
enpresaren benetazko asmoak zeintzuk diren jakiteko. Denok, gogoan dugu
Zuzendaritzaren geldotasuna informazio eskaeren orduan, ( Lebario eta
Aresorako egoitza-aldaketak, Museoaren gerokoa, Komertzial arloko planak…).
Eta Arriola xelebreak honelakoak esaten Eusko Legebiltzarrean : “
Zuzendaritzak, eta ezin izan beste modura, baditu Enpresako Batzordearekin
harremanak eta elkarizketak …” Harrapa zak!!
Informazio Operatzaileak
Geltokiko Laguntzaileekin gertatzen den bezala, Komertzial Arloko geldotasun eta kudeaketa ezarengatik kaltetua gertatzen dana, Informazio Operatzaileen taldea da. Azken urteotan, talde honen lan-zama gero eta gehiago handitzen joan da. Horregatik adostu zan 2008-2010 Hitzarmenaren negoziazioan (eta orain gutxi prorrogatua) 6 lan-plaza berri ( Bizkaian 3 eta beste 3 Gipuzkoan ) sortzearen konpromisoa. Azken boladan, ELAk behin eta berriz eskatu du agindua betetzeko, denbora epea nahikoa emanaz, lanpostuen kokatzeko gune-arazoak konpontzeko.
Liskarra ez badute gustokoa, ezin ulertu Zuzendaritzaren nagitasuna.
Prestakuntza
2011rako Prestakuntza Plana non dago ?. Eta non, enpresaren lehen azalpenari,
ELAk egindako ekarpenak? Tren
Agente, Operaziozko, eta Mantenimenduko jendeari, unitate berriarekiko
formakuntza emateko, zer dio Zuzendaritzak. Nor daki ! Prestakuntzarako
Arduradunen izendapena ezabatu zuten ezkeroztik, ez dakigu gaur egun nor den
arlo horretan arduratu behar denaren izena. Kalitatea eta eraginkortasuna,
bai horixe.
2010 Urteko Zenbaketa
2011eko maiatzaren lehen astean gagoz eta oraindik ez dugu jaso urteko
zenbaketa. Hitzarmenean garbi azaltzen da : “ Behin urteko zenbaketa itxi
ondoren eta hilabeteko epean, langileak urteko txostena jasoko dute,
…”. Hitzarmena ez dutela
errespetatzen motel ! Egia esan, ez da gauz berria.
Aurrekari txarrak geltokietan
“Asto bati buztana eken eta beste bati ezar”. Horrela ari dira geltokiekin
gure agintariak. Geltoki bat hustu , ondokoa zerbitzuan egoteko. Eta, zein
den bat bestea baino garrantzitsuagoa, hori dakien “argitsu” horren izena,
misterio bat. Hendaian adibidez, arratsaldeko txanda egin behar duen
Laguntzailea, Irunera bidaltzen dute. Eta Iparraldeko atea ?
Eta pass-bask txartelak ? Aurrezteko,
jantziak arindu. Euskotren badoa bai, baina okerreko bidetik
Itzarriren Auzia
Joan den maiatzaren 3an, 2010eko uztailatik gero, Itzarriren ekarpena %50
murrizteagatik ELAk epaitegira eramandako auzia, epai zain geratu da.
Bestaldetik, EAEko Auzetgi Nagusiak, Kanpo Deialdien salaketagatik egin
behar den epaiketa, maiatzaren 31arte atzeratu du.
|
|
